Lekua: Mereludiko eskoletxea

Foru Aldundiak, 1919tik aurrera, 125 auzo eskola sortu zituen Bizkaian, Mereludikoa, 1926an inauguratua da. Aurreko urtean inauguratutako Asterrikako auzo eskolaren orientazio eta egitura berdina dauzka. 

Oina lauki zuzena da, eta hego-ekialdeko fatxadan ditu ikasgelara ematen duten leiho eta ateak. Ikasgelak okupatzen zuen leku gehiena, eta alboan sukaldea zeukan. Kanpoaldean, hego-mendebaldeko fatxadan, eraikin nagusiaren kontra, komunak zituen.

Irakasleak, alboko baserrian hartzen zuen ostatu.
Gaur egun auzo elkarte pribatua da.