Lekua: Katenetxea

Katenetxea edo Katetxea Erribera auzoan dago, Aita Kurutz ermita eta ferratokiaren ondoan. Harlanduzko kantoi harriak ditu, ate eta leiho buruak ere bai. Hego-ekialdeko fatxadak errepidera ematen du. Leihoa eta ate bat ditu, eta leihoan kate markak ageri dira.  Atea gaur egun leiho bihurtua dago. Ipar-mendebalderako fatxadak errege bidera ematen du, eta beheko solairuan atea eta leihoa ditu.