Lekua: Andonegi Torre

"Armadun harriduna, hau da, eskudoduna. Noizkoa? Behar bada, ez hain zaharra, oraingo etxe hau. Ibarra eta Garmendiak egindako liburuan, etxe honeri buruz esaten da, Kaminutorre albotik bide bat hartu eta antzinako Andonaegi errota eta burdinola egozan alboko zubi txiki bat igarota, Andonaegi torrera helduten dala. Hau Mugartarrena dala, eta XVIII. gizaldiko egiturako torrea dala. Eta daukan eskudoa ikusi eta Xemeingo Ubilla torrekoagaz paretuta, egile batek eginak dirudiela biak. Honek ez dau esan nahi Andonaegi etxea, jatorria, Berriatuan aurreragotik ez datorrenik. Ikusi, bestela, Andonaegi errota eta abarretan esaten doguna. Andonaegi torrea, gaur, Murgatarrena da, eta bertan bizi diranak errenteruak dira." (Zubikarai eta Fernandez, 1986)