Lekua: Txindurrimendiko lubakiak

Txindurrimendiko lubakiak Txindurrimendi gailurrean kokatzen dira, Madalena auzoan. 1936ko gerran egindako lubakiak dira. 1936ko urrian izan ziren borroka egun gogorrak. Frankistak gotortu ziran bertan errepublikanoen aurrean. Ondarroatik eta Mutrikutik sartu ziren tropa frankistak. Aurreko mendian, Kalamendin, errepublikanoak gotortu ziren lubakietan. Elkarri tiroka elkarren indarrak neurtzen aritzen ziren. Noizbehinka herrira ere jaisten omen ziren bai batekoak zein bestekoak.